ಹಲ್ಲು ಕುಳಿ ನಿರ್ಲಕ್ಷ್ಯ ಬೇಡ, ಜೀವನ ಪರ್ಯಂತ ಸಮಸ್ಯೆ ಕೊಡುತ್ತೆ ಎಚ್ಚರ !

ಹಲ್ಲು ಕುಳಿ ನಿರ್ಲಕ್ಷ್ಯ ಬೇಡ, ಜೀವನ ಪರ್ಯಂತ ಸಮಸ್ಯೆ ಕೊಡುತ್ತೆ ಎಚ್ಚರ ! 

ಹಲ್ಲಿನ ಆರೈಕೆ ಆರಂಭದ ಹಂತದಲ್ಲಿಯೇ ಮಾಡುತ್ತಾ ಬರಬೇಕಾಗುತ್ತದೆ .ಹಲ್ಲಿನ ಕೊಳೆತ ಅಥವಾ ಹಲ್ಲಿನ ಕುಳಿಗಳು ಮಕ್ಕಳಲ್ಲಿ ಕಾಣಿಸುವ ಸಮಸ್ಯೆಗಳಲ್ಲಿ ಒಂದಾಗಿದೆ . ಕುಳಿಗಳನ್ನು ಇತ್ತೀಚಿನ ಪೋಷಕರು ನಿರ್ಲಕ್ಷ್ಯ ಭಾವದಿಂದ ನೋಡುತ್ತಿದ್ದಾರೆ ಆದರೆ ಅದು ತಪ್ಪು ಹಲ್ಲಿನ ಕುಳಿ ಕೊಳೆತವಾಗಿ ಮಾರ್ಪಟ್ಟು ಶಾಶ್ವತ ಹಲ್ಲಿನ ಸಮಸ್ಯೆಗೆ ಕಾರಣವಾಗಬಹುದು .

ಹಲ್ಲುಗಳನ್ನು ಆರೋಗ್ಯವಾಗಿಡಲು ಕೆಲವೊಂದು ಉತ್ತಮ ಮಾರ್ಗಗಳನ್ನು ಅನುಸರಿಸಬೇಕು 

ಮಕ್ಕಳಲ್ಲಿನ ಹಲ್ಲಿನ ಆರೈಕೆ

ಮಗು ಜನಿಸಿದ ಸುಮಾರು 12 ತಿಂಗಳವರೆಗೆ ಎದೆ ಹಾಲು ಉಣಿಸಿದ ನಂತರ ಮೃದುವಾದ ಬಟ್ಟೆಯಿಂದ ಒಸಡನ್ನು ಶುಚಿಗೊಳಿಸಬೇಕು. 12 ತಿಂಗಳಿಂದ 24 ನೇ ತಿಂಗಳವರೆಗೆ ಮಗುವಿನ ಗಾತ್ರದ ಅನುಸಾರ ಟೂತ್ ಬ್ರಷ್ ಅನ್ನು ಬಳಸಿ ದಿನಕ್ಕೆ ಎರಡು ಬಾರಿ ಹಲ್ಲನ್ನು ಸ್ವಚಗೊಳಿಸಬೇಕು.

ನಂತರದ ದಿನದಲ್ಲಿ ಹಲ್ಲಿನ ಗಾತ್ರ ಅನುಸರಿಸಿ ಬಟನ್ ಟೂತ್ ಬ್ರಷ್ ಗಳನ್ನು ಉಪಗಿಸಬಹುದು ,ಪೋಷಕರು ಗಮನಿಸ ಬೇಕಾದಂತಹ ಮುಖ್ಯ ಅಂಶ ದಿನಕ್ಕೆ ಎರಡು ಬಾರಿ ಹಲ್ಲುಜ್ಜುವುದು ಮಕ್ಕಳಿಗೆ ದಿನಚರಿಯಂತೆ ಮಾಡುವುದು ಬಹಳ ಉತ್ತಮ

ಹಲ್ಲುಜ್ಜುವುದು ಮತ್ತು ಬಾಯಿ ಮುಕ್ಕಳಿಸುವುದು

 ಹಲ್ಲುಗಳ ಎಲ್ಲಾ ಮೇಲ್ಮೈಗಳಲ್ಲಿ ಹಲ್ಲುಜ್ಜುವುದು ಉತ್ತಮ ಅಭ್ಯಾಸ. ಹಲ್ಲುಜ್ಜಲು ತೆಗೆದುಕೊಳ್ಳುವ ಸಮಯವು ಮೇಲಿನ ಮತ್ತು ಕೆಳಗಿನ ಹಲ್ಲುಗಳಿಗೆ ಕನಿಷ್ಠ ಎರಡು ನಿಮಿಷಗಳವರೆಗೆ ಇರಬೇಕು. ಟೂತ್ ಬ್ರಶ್ ಅನ್ನು ಪ್ರತಿ ಎರಡರಿಂದ ಮೂರು ತಿಂಗಳಿಗೊಮ್ಮೆ ಬದಲಾಯಿಸಬೇಕು. ಬ್ಯಾಕ್ಟೀರಿಯಾ ತಡೆಗಟ್ಟಲು ಬಳಸಿದ ಬ್ರಷ್ ಅನ್ನು ತೊಳೆದು ಗಾಳಿಯಲ್ಲಿ ಒಣಗಿಸಬೇಕು. ಬಾಯಿ ಆಗಾಗ ಮುಕ್ಕಳಿಸುವುದರಿಂದ ಮಗುವಿನ ಮೌಖಿಕ ಆರೈಕೆ ದಿನಚರಿಯ ಮತ್ತೊಂದು ಪ್ರಮುಖ ಭಾಗವಾಗಿದೆ. 

ನಾಲಿಗೆ ಶುಚಿಗೊಳಿಸುವುದು

 ನಾಲಿಗೆ ಶುಚಿಗೊಳಿಸುವುದು ಉತ್ತಮ ಅಭ್ಯಾಸವಾಗಿದ್ದು ಉಸಿರಾಟವನ್ನು ತಾಜಾಗೊಳಿಸಲು ಸಹಕಾರಿಯಾಗುತ್ತದೆ ,ನಾಲಗೆ ಶುಚಿಗೊಳಿಸುವುದು ಉಪಕರಣಗಳು ಮಾರುಕಟ್ಟೆಯಲ್ಲಿ ಲಭ್ಯವಿದೆ ಅಥವಾ ಕೆಲವೊಂದು ಬ್ರಷ್ಗಳ ಹಿಂದೆಯೇ ಇರುತ್ತದೆ .

ಆಹಾರ ಕ್ರಮಗಳು

ಬಹಳಷ್ಟು ಸಕ್ಕರೆ ಆಹಾರ ಮತ್ತು ಪಾನೀಯಗಳನ್ನು  ತಿನ್ನುವ ಮಕ್ಕಳು ಕುಳಿಗಳ ಅಪಾಯವನ್ನು ಹೊಂದಿರುತ್ತಾರೆ. ಆರೋಗ್ಯಕರ ಆಹಾರದ ಆಯ್ಕೆಗಳನ್ನು ಮಾಡುವುದು ಮುಖ್ಯ. ಮಕ್ಕಳು ಸಮತೋಲಿತ ಆಹಾರವನ್ನು ಸೇವಿಸಬೇಕು ಮತ್ತು ಊಟದ ನಡುವೆ ಲಘು ಆಹಾರವನ್ನು ನಿಲ್ಲಿಸಬೇಕು. ಅವರು ಸಾಕಷ್ಟು ನೀರು ಕುಡಿಯುವ ಅಭ್ಯಾಸವನ್ನು ಬೆಳೆಸಿಕೊಳ್ಳಬೇಕು .

 

ಹಲ್ಲಿನ ಕವಚಗಳನ್ನು ಬಲಪಡಿಸಲು ಹಲ್ಲಿನ ಪರೀಕ್ಷೆ, ಶುಚಿಗೊಳಿಸುವಿಕೆ ಮತ್ತು ಪ್ರತಿ 6 ತಿಂಗಳಿಗೊಮ್ಮೆ ದಂತವೈದ್ಯರನ್ನು ಭೇಟಿ ಮಾಡುವುದು ಮುಖ್ಯವಾಗಿದೆ.

ಅಂತಿಮ ಹಂತವಾಗಿ, ನಿಮ್ಮ ಹಲ್ಲುಗಳನ್ನು ಕಾಳಜಿ ವಹಿಸುವುದು ವಿವೇಕಯುತವಾಗಿದೆ. ನೀವು ಮಕ್ಕಳಿಗೆ ಅಭ್ಯಾಸ ಮಾಡುವುದಕ್ಕಿಂತಲು ಮಕ್ಕಳ ಜೊತೆಗೆ ಒಟ್ಟಿಗೆ ಹಲ್ಲುಜ್ಜುವುದು ಮತ್ತು ಬಾಯಿ ಮುಕ್ಕಳಿಸುವುದರ ಮೂಲಕ ನಿಮ್ಮ ಮಗುವನ್ನು ಪ್ರೋತ್ಸಾಹಿಸಿ .